Производителот на автомобили „Ферари“ ги ревидираше овогодишните приходи и истите се проценува дека ќе изнесуваат од 1,075 до 1,125 милијарди евра.

Новите очекувања се во согласност со прогнозите кои беа проектирани во мај кога на оваа компанија и беа предвидени приходи од 1,05 до 1,2 милијарди евра, пренесува „Блумберг“.

Одлуката на производителите на луксузни автомобили да го прилагодат асортиманот покажа дека дури и некои од најзначајните светски брендови чувствуваат притисок поради пандемијата од корона вирусот.

Компанијата „Ферари“ која е под контрола на компаниите на фамилијата Ањели, Екор НВ, уверена е дека во втората половина од годината, благодарение на зголемениот број нарачки, ќе успее да ги надомести парите, во моментов котира пред компанијата „Тесла“, и е една од ретките компании на автомобили чии акции оваа година пораснаа.

Италијанската компанија, која на свиоте вработени им даваше целосна плата и во време кога беше затворена поради мерките за сптечување на ширењето на корона вирусот, оствари продажба од 571 милион евра, што е многу близу до првичната проценка од 574,4 милиони за вториот квартал годинава.

Нето приходот изнесува девет милиони евра, што пак е речиси девет пати поголем од 2,3 милиони колку што предвидуваа аналитичарите.