Европската комисија откри дека 43 отсто од испитаните веб-локации ги прекршиле правилата на ЕУ кога прикажувале попусти на црниот петок. Како што соопштија, директивата за означување на цените предвидува продавниците – вклучително и онлајн продавниците – да ја наведат најниската цена што важела за производот во последните 30 дена пред попустот.

Попусти на црниот петок, кога трговците масовно нудат производи по намалени цени, беа најавени на повеќе од половина од производите, а меѓу нив 23 отсто очигледно не се во согласност со правото на ЕУ, соопшти Брисел.

„Директивата за означување на цените бара од продавниците, вклучително и онлајн продавниците, да ја наведат најниската цена што важела за производот во последните 30 дена пред попустот. Истрагата покажа прекршоци во најмалку 43 отсто од испитаните веб-страници“, додаваат тие.

Сите онлајн продавачи се повикани да ги почитуваат правилата и да ги променат погрешните практики.

„Задачата на органите за заштита на потрошувачите е сега да контактираат со трговците и да бараат промени во практиките и, доколку е потребно, да покренат мерки за извршување, што исто така може да доведе до казни“, напишаа тие. Европскиот комесар за правда, Дидие Рејндерс, истакна дека добрите можности за купување, не смеат да се базираат врз „погрешни пазарни пристапи“. Тие секогаш мора да се засноваат на конкретна споредба на цените“, додаде тој.

Прегледот, спроведен од комисијата во соработка со националните органи за заштита на потрошувачите, ги опфати цените на 16.000 производи на 176 веб-страници за еден месец, објави Н1 Словенија.