Заменик-помошникот државен секретар на САД Габриел Ескобар утре доаѓа во посета на Македонија.  тој ќе оствари средби со претседателот Стево Пендаровски, премиерот Димитар Ковачевски и со претседателот на ВМРО-ДПМНЕ, Христијан Мицкоски.

Посетата на Ескобар следува откако уставните измени за внесување на Бугарите во Уставот како услов за земјава да ја одржи втората меѓувладина седница и да ги продолжи преговорите со Европската Унија заглавија во Собранието бидејќи власта не обезбеди двотретинско мнозинство.

Пленарната седница за Предлогот за пристапување кон измена на Уставот почна на 18 август.  Дневниот ред беше усвоен со 70 гласа „за“, а по исцрпувањето на дискусијата, претседателот на Собранието Талат Џафери го одложи гласањето.

Мицкоски пак, синоќа од Кичево порача дека светот и Европа прават стратегија како да се скрши ВМРО-ДПМНЕ за опозициски пратеници да гласаат за уставните измени