Екс преговарачот на ЕУ за Брегзит, Барние противкандидат на Макрон на изборите во Франција
Поранешниот преговарач на ЕУ за Брегзит Мишел Барние објави вечерва дека ќе биде претседателски кандидат на десничарското крило против актуелниот претседател Емануел Макрон, на претседателските избори во Франција идната година.
„Во овие тешки времиња, донесов одлука и ќе останам доследен на тоа … да бидам претседател на Франција кој ги помирува, ќе ги почитува Французите и Франција“, изјави тој во интервјуто во живо на француската телевизија ТФ1.
Тој влегува како кандидат на десничарското крило, со големо искуство во политиката, меѓу другото и како и со „неверојатните“ преговори за излез на Велика Британија од Европската Унија. Во текот на овој неколкугодишен процес тој мораше да работи со „шефовите на државите и владите за да го зачува единството на сите европски земји“, пишува Гардијан.
Запрашан зошто му сврте грб на Макрон со кој блиску соработуваше при преговорите за Брегзит, рече дека „на земјата и требаат промени“.
Je serai le Président qui respectera les Français et qui fera respecter la France 🇫🇷.#MichelBarnier2022#TF1 #20h @lesRepublicains pic.twitter.com/ANhKWCMdgJ
— Michel Barnier (@MichelBarnier) August 26, 2021
Тој нагласи дека на Франција и е потребно „враќање на авторитетот на државата“ како и „ограничување и контрола врз имиграцијата“ но и реафирмирање на предлогот за мораториум врз имиграцијата.
Пред да стане главен преговарач за Брегзит во 2016 година Барние ја вршеше должноста ЕУ Комесар за внатрешен пазар од 2010 – 2014 година. Овој 70-годишен ветеран во француската политика вршеше повеќе врвни фунции меѓу кои и министер за надворениш работи во 90-тите години.
Тој е член на десничарските Републиканци и најистакнат од четворицата кандидати на партијата кои имаа намера да се кандидираат.