Хормонот на стрес кортизол би можел да биде причината поради која некои луѓе страдаат од долготраен ковид и чувствуваат симптоми со месеци откако го прележале коронавирусот. Имено, истражувачите од Универзитетот Јејл откриле дека луѓето кои боледуваат од долготраен ковид генерираат околу половина помалку кортизол од своите здрави врсници.

Симптоми со месеци

Иако сè уште не е пронајдена точната врска помеѓу кортизолот и долгиот ковид, наодите од Јејл би можеле да ја отворат вратата на објаснувањето на новата хипотеза за тоа што предизвикува некој да чувствува симптоми со месеци, а некој брзо да се опорави од вирусот без долгорочни компликации. Според една студија неодамна објавена во стручниот магазин „Лансет“, секој осми човек кој преболел ковид-19 ги ​​чувствува долгорочните последици од болеста.

Хормон на стрес

Кортизолот е главниот хормон на стрес во телото. Ќе се активира во надбубрежните жлезди и ќе се рашири низ целото тело. Откако ќе се откријат доволно хормони во крвотокот на една личност, мозокот ќе премине во состојба на висока готовност, предизвикувајќи чувство што го знаеме како стрес. Но, иако звучи парадоксално, во превенцијата на долготрајниот ковид премалку стрес не е добро. Ниските нивоа на кортизол веќе се поврзани со синдромот на хроничен замор во претходните истражувања, а заморот е исто така еден од најистакнатите симптоми на долгорочниот ковид.

Почеток на потрагата

Истражувачкиот тим од Јејл забележал дека некои пациенти со долготраен ковид се чувствувале подобро откако биле лекувани со зголемување на нивоата на кортизол.

„Ова е само почеток на потрагата. Сега, кога нивото на кортизол е поврзано со долгорочнито ковид, понатамошните истражувања ќе одат во насока на пронаоѓање на механизмот што предизвикува хормонот да создава проблем, развивање третмани и како точно да се лекува“, објавија научниците.