Две улици во Карпош 3 ќе добијат нова атмосферска канализација
Општина Карпош утре започнува со активности за изведба на нова атмосферска канализација на улиците Пелистерска и Радика во урбаната заедница Карпош 3.
Со интервенцијата ќе биде заменета постоечката атмосферска канализација на дел од овие улици поради често поплавување – објаснуваат од Општината од каде ги замолуваат граѓаните кои живеат на овие улици за разбирање заради градежните активности кои таму ќе се одвиваат и кои ќе го попречат нормалното одвивање на сообраќајот.
Од Карпош информираа и дека во текот на изминатите денови се „закрпени“ ударни дупки на повеќе улици во урбаните заедници Владо Тасевски и Кузман Јосифовски Питу. Покрај тоа, службите и механизацијата кои ги ангажирала локалната самоуправа извршиле санација и на шест пропаднати шахти во урбаната заедница Владо Тасевски.