Поради енормното аерозагадување во градовите, со концентрации на ПМ10 честички неколку пати над дозволеното ниво, ДОМ бара веднаш да се спроведат следните итни мерки:

1. Интензивни инспекциски контроли на индустриските капацитети, од страна на државниот и локалните инспекторати за животна средина

2. Намалување за 50% на согорувачките процеси во индустриските капацитети

3. Стопирање на сите градежни активности во градските средини

4. Забрана за движење на тешки возила во градовите и ниво упатување на обиколници

5. Забрана за движење на возила под Еуро 4 стандард во градскиот сообраќај

6. Бесплатен градски превоз и зголемена фрекфенција на автобуси

7. Редовно миење на улиците, собирање на сметот и одржување на јавната хигиената

8. Ослободување од работа на бремените жени и лицата со хронични респираторни и кардиоваскуларни болести

Со цел намалување на аерозагадувањето и заштита на здравјето, од партијата апелираат до граѓаните, да не горат јаглен, отпадно масло, пластика, гуми, отпадоци од боено, лакирано дрво и медијапан, да користат јавен градски транспорт или да споделуваат превоз-повеќе патници во еден автомобил.