Додик тврди дека Република Српска ќе стане независна држава, бидејќи БиХ не може да е дел од „Отворен Балкан“
Претседателот на Република Српска Милорад Додик изјави дека РС ќе стане независна држава, бидејќи Босна и Херцеговина не може да биде дел од регионалните иницијативи, како што е „Отворен Балкан“.
Додик оцени дека „Отворен Балкан“ е добра иницијатива, но дека Босна и Херцеговина не мисли така.
Република Српска ће постати независна држава јер у БиХ не можемо бити дио регионалних иницијатива које би нам могле бити од користи.
"Отворени Балкан" је добра иницијатива, али у Сарајеву не мисле тако. Денис Бећировић чим се пробуди, одмах мрзи Србе. Али живимо у немогућој земљи… pic.twitter.com/wauI6ddbKk— Милорад Додик (@MiloradDodik) April 7, 2023
„Бошњачкиот член на Претседателството на БиХ, Денис Беќиревиќ, штом ќе се разбуди наутро, веднаш ги мрази Србите. Но, ние живееме во таква земја, каде што некои амбасади вежбаат врз нас, но и тоа ќе помине еден ден“, напиша Додик на својот Твитер профил.
Според неговите зборови, БиХ е „невозможна земја, која е полигон за обука на американскиот амбасадор. Но, и тоа ќе помине“, рече Додик.
Тој повтори дека Србите „не извршиле геноцид и дека тој бил измислен“.
Високиот претставник во Босна и Херцеговина Крисатијан Шмит вчера ги повика надлежните институции да ги истражат и гонат лицата кои го негираат геноцидот во Сребреница.
