Втората фаза од клиничките испитувања за вакцина против коронавирусот, која ја разви рускиот истражувачки центар за вирологија и микробиологија „Вектор“, ќе биде завршена меѓу 28 и 30 септември, пренесува ТАС.

Ана Попова, директорката на Федералната служба за надзор и заштита на правата на потрошувачите и благосостојба на луѓето, наведува дека втората фаза на вакцината која ја разви центарот „Вектор“ ќе биде завршена меѓу 28 и 30 септември.

Попова за руската државна телевизија изјавила дека оваа фаза од испитувања била успешна, дека доброволците развиваат антитела и дека никој од нив не покажал никакви клинички симптоми по примање на вакцината.

Претходно, Федералната служба за надзор и заштита на правата на потрошувачите и благосостојба на луѓето најави дека се очекува дека процедурата на регистрирање на вакцината која ја разви центарот „Вектор“ ќе биде завршена до 15 октомври.

Русија до 15 октомври ќе регистрира втора вакцина против ковид-19