Младиот фудбалер на Барселона, Педро Гонзалез Лопез или попознат како Педри ја игра својата прва сезона во Барселона и веќе импресионира со своите перформанси.

Има само 18 години, и сезонава досега играше на 30 мечеви во сите натпреварувања. Тој брзо ги освои симпатиите на навивачите, кои веруваат дека со Ансу Фати ќе биде иднината на клубот.

Барса го договори неговиот трансфер во летото 2019 година за само пет милиони евра од Лас Палмас, а сегашниот договор со Каталонците важи до летото 2022 година. Но, Каталонците имаат опција, односно клаузула која може да се активира на дополнителни две сезони.

Шпанците ќе му понудат комплетно нов договор на Педри кој се очекува да трае до лето 2026 година, а неговата ослободителна клаузула ќе биде неверојатни 400 милиони евра.

Со оглед на таа бројка, се верува дека тој е неверојатен талент и играч на кој му се предвидува одлична кариера.