Дени Илиев е подготвен да го напушти Арсенал
Менаџерот на „топчиите“ Унаи Емери како прва опција на располагање Бернд Лено, а според „Билд“ интерес е покажан за младиот германски репрезентативец, Маркус Шуберт кој има договор со второлигашот Динамо Дрезден до крајот на сезоната.
Забележа 43 настапи за Дрезден во втората Бундеслига, а во април ги информираше луѓето во клубот дека има намера да си замине по истекот на договорот.
Истиот извор информира дека македонскиот репрезентативен голман Дејан Илиев е подготвен да го напушти Арсенал заедно со легендарниот Чех.
Нашиот интернационалец воглавно досега беше дел од У23 тимот на Арсенал со 17 официјални настапи во втората Премиерлига.
Лани потпиша нов договор 2+2 со клубот од „Емирати“, минатата зима како што и самиот изјави очекува да замине на позајмица каде што ќе може да стекне првотимско искуство кое што би било голем чекор за напредокот во неговата кариера.
– Да се биде дел од Арсенал е прекрасно, имам прилика да соработувам пред се со големи и интелигентни луѓе, а и големи фудбалери и стручњаци од кои што научив премногу и секогаш ќе бидам благодарен на мојот Арсенал – беа зборовите на Илиев.
На 29. мај Арсенал во Баку ќе го игра финалето во Лига Европа против Челзи. Се очекува Илиев да биде трета алтернатива зад Лено и Чех.