Ден на одлука за Адеми и Динамо во Лигата на шампионите
На стадионот „Максимир“ хрватскиот клуб и македонскиот интернационалец Аријан Адемо ќе го пречекаат Манчестер сити.
Во групата „Ц“ после пет кола на првото место е сигурен Манчестер сити со 11 бодови, и веќе е со мислите кон ждрепката за осминафиналните двојки.
Голема борба се води за втората позиција меѓу три екипи, второпласиран е Шахтјор Доњецк со шест, пред Динамо Загреб (пет) и Аталанта (четири).
За „модрите“ е неопходна победа, но и да не триумфираат играчите на Шахтјор против Аталанта.
– Динамо е големо изненадување од самиот почеток во ЛШ. Петковиќ, Олмо, Оршиќ и останатите се одлични играчи и верувам дека пласманот на Динамо би било голем успех – рече менаџерот на Манчестер сити, Пеп Гвардиола.
Како што пренесуваат хрватските медиуми, нашиот Адеми се очекува да биде во стартниот состав за мечот кој што почнува од 18.55 часот, а во него би требало да се најдат уште Ливаковиќ, Стојановиќ, Дилавер, Мубанџе, Моро, Гојак, Кадзиор, Олмо, Оршиќ и Петковиќ.
Лига на шампиони
Група А
21.00 ч. Клуб Бриж-Реал Мадрид
21.00 ч. ПСЖ-Галатасарај
Табела: ПСЖ 13 бодови, Реал Мадрид 8, Клуб Бриж 3, Галатасарај 2.
Група Б
21.00 ч. Баерн Минхен-Тотенхем
21.00 ч. Олимпијакос-Црвена Звезда
Табела: Баерн Минхен 15 бодови, Тотенхем 10, Црвена звезда 3, Олимпијакос 1.
Група Ц
18.55 ч. Динамо Загреб-Манчестер сити
18.55 ч. Шахтјор Доњецк-Аталанта
Табела: Манчестер сити 11 бодови, Шахтјор Доњецк 6, Динамо Загреб 5, Аталанта 4.
Група Д
21.00 ч. Баер Леверкузен-Јувентус
21.00 ч. Атлетико Мадрид-Локомотив Москва
Табела: Јувентус 13 бодови, Атлетико Мадрид 7, Баер Леверкузен 6, Локомотив Москва 3.