Вечерашниот дуел од Лигата на шампионите во Белград помеѓу Црвена Звезда и Олимпијакос е одлична можност за заедничко навивање на збратимените навивачи на двата клуба, „Делиите“ и „Гејт 7“.

Навивачите на двете екипи доминираат во центарот на Белград, постојано пеат навивачки песни на Црвена Звезда и на Олимпијакос и воопшто нема инциденти.

Полицијата која е во приправност, не им дозволи на навивачите на двете екипи да направат кортео на популарната улица „Теразија“ која е самиот центар на Белград.
Се очекува и „Делиите“ и „Гејт 7“ заедно да се упатат кон стадионот „Рајко Митиќ“.

Навивачите на Црвена звезда и Олимпијакос се збратимени бидејќи во изминатите 30-тина години, дури 28 спортисти, највеќе фудбалери и кошаркари го носеле дресот на српскиот и грчкиот тим.