Дали го погледнавте 4.000 гол на Вардар во ЛШ? (ВИДЕО)
Македонскиот и европски шампион ја забележа и третата победа по ред во групната фаза од Лигата на шампионите на гостувањето кај Мотор Запорожје.
Ракометарите на Писонеро остварија нов важен триумф и со двата бода од Украина го задржаа во првото место во рамките од групата „Б“.
Во текот на натпреварот против Мотор Запорожје, Вардарци успеаја да го постигнат јубилејниот 4.000 гол во ЛШ.
При негатива од 14:11 во 23 минута од средбата од многу тешка позиција намали Тимур Дибиров и така испиша историја во дресот на Вардар.
Наредниот меч нашиот првак ќе го има на домашен терен во СЦ „Јане Сандански“ – Скопје во дербито од групата „Б“ и ракометниот спектакл кој се очекува на 12 октомври против бундеслигашкиот гигант Кил со почеток од 17.30 часот. Влезниците за оваа пресметка се веќе во продажба, повеќе прочитајте на следниот ЛИНК