Според нутриционистите и диетолозите, храната која не е типична за нашето поднебје не е толку корисна за нас, за разлика од онаа што се одгледува тука.

На пазарите и во маркетите може да се најдат голем број намирници кои се увезени од други држави. Ние ги купуваме, без да размислиме дека живееме во многу поинакво климатско подрачје од она во кое тие растат.

Кинеската медицина поддржува теорија на енергија на храната. Според тоа, ние ги добиваме хранливите состојки, но не можеме да ја искористиме енергијата на храната.

На пример, намирници кои растат во предели со топла клима го ладат и хидрираат телото, а оние кои се одгледуваат во ладните подрачја имаат загревачка улога.

Затоа, приоритет би требало да ни биде и нутритивната вредност, а уште повеќе консумацијата на сезонски плодови, кои се прилагодени природно на нашите климатски услови.