Дачиќ: Одлука за санкции против Русија можна е доколку српската економија и граѓаните почнат да трпат непоправлива штета

Ивица Дачиќ /EPA-EFE/ANDREJ CUKIC

Министерот за надворешни работи Ивица Дачиќ изјави дека Србија ја оставила отворена можноста да се смени одлуката за воведување санкции кон Русија поради нападот на Украина, доколку српската економија и граѓаните почнат да трпат непоправлива штета, јави дописникот на МИА од Белград.

-Бидејќи одлуката (на Советот за национална безбедност на Србија) се уште е во сила, тоа значи дека се уште го немаме тој случај, изјави Дачиќ за Курир и додаде дека во интерес на Србија е да не воведува санкции кон Русија, но да следи како таа одлука се одразува на српската економија.

Според него, освен притисокот врз Србија поради невоведувањето санкции, намалена е и надворешнотрговската размена меѓу двете земји, додека „во некои западни земји кои воведоа санкции кон Русија таа е зголемена“.

Коментирајќи ги изјавите на министерот за економија Рад Баста, член на Единствена Србија, која е во коалиција со Социјалистичката партија на Србија на Дачиќ, дека Србија треба да воведе санкции кон Русија, Дачиќ повтори дека неговата партија и сите нивни членови на владата стојат зад одлуката на Советот за национална безбедност и државна политика.

-Се додека се во сила нашата одлука и нашата политика во однос на санкциите, ние постојано ќе ја почитуваме, рече Дачиќ. M

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот