Индија во последните 24 часа регистрира 3.645 смртни случаи од ковид-19, што е за 350 повеќе од претходниот ден и најголем број регистрирани досега во земјата сериозно погодена од вториот бран на епидемијата, според податоците на Министерството за здравство.

Досега, 204.832 луѓе починаа од коронавирусот во Индија, но многу експерти проценуваат дека реалниот број е многу поголем.

ВИДЕО I Индиските лекари предупредуваат дека следните две недели ќе бидат најсмртоносни досега: „Купувам кислород по цена на злато“

Регистрирани се скоро 380.000 нови инфекции во земјата, што е најголем број случаи во светот во последните 24 часа. Само во април во Индија се регистрирани повеќе од шест милиони новозаразени со ковид-19.

Експоненцијалниот раст на инфекцијата, кој делумно му се припишува на новиот индиски сој на коронавирусот, како и на масовните собири за време на политичките или верските митинзи, ги оптовари болниците, кои немаат доволно кревети, лекови ниту кислород.