Совесни граѓани преку бројот за итни случаи 112 пријавиле дека има паднат дел од фасада на тротоар, а постои можност и опасност да падне уште еден поголем дел од фасада од зграда во строгиот центар на Скопје. Останатиот дел од фасадата кој е најгоре од зградата, не се знае во каква состојба е, но претставува потенцијална опасност за минувачите.

За среќа во инцидентот никој не е повреден. Регионалниот ЦУК Скопје веднаш ја известил Општина Центар за понатамошна постапка, согласно нивните оперативни процедури за вакви настани.

Настанот, согласно информациите од дежурните во Секторот за операции и координација, конкретно се случил на ул. ,,Димитрие Чуповски” во близина на Министерство за правда.

Од Општина Центар има повратна информација дека се излезени на терен и доколку имотот припаѓа на физички лица тогаш тие требало да го решат овој проблем со фасадата која почнала да паѓа.