Челзи гледа кон ЛШ, „карамелите“ стопени на Стемфорд Бриџ! (ВИДЕО)
За лондонските „сини“ против Евертон во првиот дел стрелаа Маунт и Педро, додека во второто полувреме сите дилеми ги решија Вилијан и Жиру.
Челзи убедливо славеше против Евертон во натпреварот од 29. коло во Премиер лигата, кој беше одигран на стадионот „Стемфорд Бриџ“.
Лондонските „сини“ можеби го одиграа еден од своите најдобри мечеви сезонава во најсилната англиска фудбалска лига, целосно доминираа против екипата од Ливерпул.
That was fun! ?#CHEEVE pic.twitter.com/ZeN5R0nhF6
— Chelsea FC (@ChelseaFC) March 8, 2020
Првиот гол за домаќините го реализираше Мејсон Маунт со еден удар од работ на шеснаесетникот после асистенцијата на Педро.
Шпанецот беше стрелец на вториот погодок во 21. минута откако избегна офсајд позиција и рутински го совлада Џордан Пикфорд.
Сите дилеми беа решени на стартот од второто полувреме, кога Вилијан со удар од далечина и Оливие Жиру од петерецот беше поставен конечниот епилог.
Фудбалерите предводени од менаџерот Френк Лампард чекорат кон позиците на табелата кои водат наредната сезона во Лигата на шампионите, моментно се на четвртото место со 48 бодови, додека Евертон е на 12. позиција со 37.
Денеска од 17.30 часот се игра градското дерби помеѓу Манчестер јунајтед и Манчестер сити на „Олд Трафорд“.
