Екипата на Челси е подготвена и во време на криза да троши пари само за да се вклучи во трката за титулата во Премиер лигата, но и во Лигата на шампионите.

Менаџерот на „сините“ Френк Лампард побарал од својот сопственик, Роман Абрамович да му го донесе најскапиот голман на светот, Јан Облак.
Како што пренесува новинарот Џон Крис, Лампрад планира во Атлетико Мадрид да го испрати актуелниот чувар на мрежата Кепа и одсредена сума на пари.

Новинарот не сакаше да навлегува вобројките, но притоа потсетува дека Облак минатото лето потпиша нов договор со Атлетико Мадрид по кој откупната клаузула е поставена на 120 милиони фунти, дури 50 милиони повеќе отколку што Челси му плати на Атлетик Билбао за Кепа.
Во лондонскиот тим се свесни дека трансферот не може да биде помал од 100 милиони фунти и затоа се подготвени да го испратат Кепа за Атлетико да добие врвен голман во замена за Облак, а притоа да доплатат околу 50 милиони фунти.