Бугарските бизнисмени сакаат сончоглед од Украина, но не може да добијат лиценци
Претседателот на Сојузот на производители на растително масло во Бугарија Јани Јанев повторно инсистираше на тоа дека на земјата и треба украинскиот сончоглед.
„Сончогледот ни треба постојано, бидејќи капацитетот што го имаме е 2 пати поголем отколку што произведуваме сончоглед. Загрижени сме и протестираме против политиката на ограничување на слободната трговија, таа е насочена против интересите на земјоделските производители од страна на Министерството за земјоделство“, изјави тој за Нова ТВ, пренесува „24Часа.бг“.
Јанев се пожали на одлуката забраната за увоз да ја чека до 15 септември, а потоа и меморандумот со земјоделците – поради тоа практично немаше увоз од Украина.
„Во моментов сме во режим на лиценцирање за увоз од Украина, Министерството за здравство ги одобрува лиценците, но Украина не издава лиценци. Имаат интерес сончогледот да остане таму. Имаат големи количини пченица и пченка за извоз, но имаат доволно индустрија да преработат сопствени сончогледи“, рече тој.
Според него, Украинците годинава произвеле 13 милиони сончогледи, а преработиле околу 11 милиони.