Брза торта со Нутела: Потребни ви се само три состојки
Што велите за една неодолива торта со Нутела која се подготвува многу брзо. Потребни ви се само три состојки за неодоливо уживање.
Ако сте љубител на слатки, а притоа и сте „мрзеливи“ во кујната или едноставно не знаете како да ги направите, ова е идеалниот рецепт за вас. Овој рецепт за брза торта со Нутела го освои светот, а веруваме ќе ве освои и вас.
За едноставната торта со Нутела потребно ви се три шолји Нутела, три јајца и една и пол шолја брашно. Измешајте сè заедно додека не добиете хомогена смеса, а потоа земете соодветен сад за печење во кој ќе ставите и хартија за печење. Истурете ја смесата во садот.
Во претходно загреана рерната на 180 степени ставете ја тортата и печете 15 минути. Кога ќе ја извадите од рерна, оставете ја да се излади малку и премачкајте ја со Нутела крем како фил. Исечете ја на парчиња и послужете. Сигурно тортата ќе „исчезне“ во истиот момент од трпезата.
