БРИТАНСКАТА ПОЛИЦИЈА ГО РАЗОТКРИВА МОРНИЧАВИОТ СЛУЧАЈ: Возачот на „камионот на смртта“ дома имал 300.000 фунти

Фото: Профимедиа

Во домот на Мо Робинсон (25), возач на камионот во кој вчера беа откриени телата на 39 Кинези, 31 маж и осум жени, пронајдени се околу 300.000 фунти, пренесе „Еспресо.рс“. Британските медиуми открија дека тој живее со партнерка и очекува близнаци, а неговите пријатели тврдат дека тој е од „многу добро семејство“.

Камионот и ладилник-приколката се движеле самостојно, пред да стигнат во индустриската зона во Есекс каде се пронајдени. Британската полиција верува дека приколката е транспортирана со карго-брод од пристаништето Зебруге во Белгија до пристаништето Парфлит во Англија. Приколката подоцна е прикачена за камионот.

Камионот тргнал од Северна Ирска и преку Даблин стигнал во Холигед во Велс, ракуван од Мо Робинсон. Робинсон со камионот пристигнал во Парфлит три дена пред да пристигне приколката-ладилник, а не е познато што се случувало со возачот во текот на трите дена пред да ја преземе приколката.

Белгиското сојузно обивинителство потврди дека приколката минала низ пристаништето Зебруге на 22 октомври и сега го испитува патот на контејнерот до таа локација, најверојатно преку Холандија. Се уште не е познато каде Кинезите влегле во приколката во која трагично ги загубија животите.

Робинсон во Парфлит чекал во својот камион за приколката да пристигне, да ја прикачи и да ја префрли до индустриската зона Грејс во Есекс. Тоа е забележано и со сигурносни камери.

Видео на денот