Британската регулаторна агенција за лекови ја одобри употребата на вакцини „Фајзер” и „Астра Зенека” против Ковид-19 за дополнителна вакцинација, но наведе дека останува на другите институции да одлучат дали ќе се дава засилувачка доза.

Британскиот заеднички комитет за вакцинација и имунизација (JCVI) расправа дали се потребни дополнителни вакцини за постари лица и загрозени лица..

Конечната одлука дали да се воведе дополнителна (засилувачка) доза по две дози е на владата, но одлуката на регулаторот отстранува една пречка на тој пат.

„Задоволство ми е да потврдам дека вакцините против Ковид-19 произведени од Фајзер и АстраЗенека може да се користат како безбедни и ефективни дополнителни дози”, рече Џун Рајне, извршна директорка на Регулаторната агенција за лекови и здравје.