Брисел ја тера Србија да испрати војници против Русија, тврди Лавров
Шефот на руската дипломатија обвини дека
Србија се соочува со директни барања од Брисел да испрати свои трупи против Русија, изјави денеска рускиот министер за надворешни работи Сергеј Лавров на Парламентарното собрание на Организацијата на договорот за колективна безбедност (ОДКБ), објави прорежимскиот „Спутник“.
Препорачано
Лавров тврди дека „бирократите во Брисел“ директно побарале од Србија да испрати свои војници во наводниот нов блок против Русија, за којшто самиот Лавров тврди дека го планира Брисел.
„И мислам дека е многу важно тие врски да се одржуваат и зајакнуваат. Бидејќи и Србија се наоѓа на фронтот, на линијата на борба за национална независност и се соочува со директни барања од бирократите во Брисел да заземе антируска политика, па дури и да испрати свои трупи во тој блок кој се заканува дека ќе биде формиран против нашата земја“, истакна Лавров.
Лавров посочи дека ОДКБ е заинтересирана за проширување на соработката со пријателски земји, вклучително и во статус на набљудувачи и партнери, меѓу кои по парламентарна линија ја вброи и Србија.
Тој претходно денеска рече дека „поради кризата во НАТО“, Западот може да формира нов блок со учество на Украина.
ВИДЕО | Насилник во служба на српските власти глуми Џејмс Бонд во државна канцеларија
