Комитет во бразилскиот Конгрес вчера официјално побара од обвинителите да го истражат поранешниот претседател Жаир Болсонаро за неколку можни обвиненија, вклучително и обид за државен удар поради немирите на неговите приврзаници во јануари.

Комисијата, што го истражува упадот во претседателската палата, Врховниот суд и конгресните згради на 8 јануари од приврзаниците на Болсонаро, со 20 гласови „за“ и 11 „против“ за прифаќање на конечниот извештај според кој екстремно десничарскиот поранешен претседател ќе се соочи со обвиненија за обид за соборување на владеењето на правото, политичко насилство и заговор.

Извештајот од 1.300 страници на заедничката комисија на Сенатот и Долниот дом, подготвуван врз основа на петте месеци сослушувања, не ја обврзува правно да дејствува Канцеларијата на јавниот обвинител.

Болсонаро (68) веќе е под истрага по различни обвиненија за корупција и злоупотреба на моќта.

На Болсонаро, кој беше претседател од 2019 до 2022 година, исто така во јуни му беше забрането да се кандидира на избори осум години поради лажно тврдење дека користел електронски уреди за гласање, кои лесно можеле да бидат хакирани.