Болна исповед на мајката на Дражен Петровиќ: Слушалката ми испадна од рацете и тргнав кон балконот - Слободен печат
КошаркаСпорт

Болна исповед на мајката на Дражен Петровиќ: Слушалката ми испадна од рацете и тргнав кон балконот

Мајката на Дражен, Бисерка Петровиќ, долго време не зборуваше за големата болка предизвиката од прераната смрт на нејзиниот син, Дражен.

Бисерка, мајката на Дражен Петровиќ дури по 25 години молк, минатата година одлучи да ја отвори душата и да раскаже како дознала дека го загуби синот.

– На тој 7 јуни 1993 година чекав да ми се јави Дражен, имаше обичај да ме побара кога ќе помине одреден дел од патот. Заѕвони телефонот, се јавив, мислев дека е Дражен. За жал не беше тој, на телефон ми се јави македонка која на хрватски јазик ме праша дали е тоа станот на Петровиќ. Кога одговорив потврдно, ми кажа дека Дражен починал. Почнав да плачам, слушалката ми падна од раце и во таква состојба тргнав кон балконот… Тоа многу ме погоди. За среќа, мојот сопруг беше дома и ме запре. Тоа беа најтешките денови од мојот живот, на погребот беа илјадници луѓе – раскажува Бисерка.

Таа два дена по погребот, отишла на гробот на својот син каде сретнала човек чии зборови и се врежани засекогаш.
– Таму беше еден човек кој ми кажа „Вие го родивте но тој ни припаѓа на сите нас. Тој е нашиот Дражен и сите плачевме за него“. Тие зборови никогаш нема да ги заборавам – се потсетува Бисерка Петровиќ.

Мајката на најдобриот европски кошаркар на сите времиња иако има голема болка во срцето, таа е среќна бидејќи и по повеќе од 20 години, Дражен Петровиќ е сакан и ценет поради тоа што го направи за кошарката.
– Мислам дека е невозможно да не се сака Дражен Петровиќ. Како мајка сум среќна што во Хрватска многу сали го носат името на мојот син – вели Бисерка Петровиќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close