БМВ, Мерцедес и Ауди се најомилени возила меѓу крадците
Автомобилите од брендот БМВ се најпосакувани меѓу крадците, бидејќи 17,7% од сите украдени возила проверени на платформата „карВертикал“ припаѓаат на овој германски производител.
Моделите на Meрцедес-Бенц (15,3%) и Aуди (12%) исто така привлекуваат измамници, што укажува на тоа дека сопствениците на луксузни возила треба да бидат претпазливи.
Во топ 5 влегоа и Форд (6,1%) и Фолксваген (5,4%). Повеќето од украдените возила се произведени помеѓу 2016 и 2019 година. Возилата стари меѓу пет и седум години се многу пожелни на пазарот на половни автомобили. Најголем дел од украдените автомобили се произведени во 2016 година – 12,4%. Но, тоа не значи дека возачите на постарите автомобили не треба да бидат внимателни, бидејќи и крадците ги таргетираат.
Истражувањето анализираше информации од 26 различни земји: Велика Британија, САД, Германија, Франција, Шпанија, Италија, Белгија, Унгарија, Романија, Литванија, Латвија, Естонија, Словачка, Словенија, Хрватска, Украина, Чешка, Полска, Бугарија, Србија, Шведска, Швајцарија, Данска, Финска, Австралија и Мексико. Сите информации се засноваат на собраните податоци на компанијата, објави Пословни дневник.