Момче на 12-годишна возраст стана најмладата личност која е обвинета за прекршок на антивладините протести во Хонгконг, пренесуваат локалните медиуми.

Детето, чие име не е познато за јавноста, било уапсено додека одело на кон своето училиште, еден ден откако учествувало во демонстрациите во октомври.

Момчето признало дека предизвикало штета со пишување на слогани со спреј на полициска станица и во метро-станица, и ќе биде судено следниот месец.

Во Хонгконг од почетокот на демонстрациите во јуни, повеќе од 5.000 луѓе се уапсени, меѓу кои и деца на возраст од 12 до 15 години, иако ова е првпат едно од нив да биде осудено.

Протестите започнаа поради контроверзниот предлог-закон со кој ќе беше дозволено властите да ги екстрадираат осомничените криминалци во Кина.

Хонгконг е дел од Кина, но како поранешна британска колонија има посебни слободи кои не се овозможени во другите делови на Кина.

Иако самиот закон беше повлечен, демонстрантите продолжуваат да бараат истраги за полициска бруталност, и амнестија за сите кои беа уапсени на протестите.

Но на крајот, движењето е поради стравувањата, особено меѓу младите луѓе, дека нивниот личен идентитет е под закана од Кина.