Беретини и Зверев ќе играат за титулата во Мадрид
Италијанецот Матео Беретини и Александар Зверев ќе играат во утрешното финале на Мастерсот во Мадрид. Беретини кој е осми носител на Мастерсот во Мадрид, во два сета го совлада Норвежанецот Каспер Руд во два сета и тоа со 6:4,6:4.
И двајцата тенисери одлично сервираа во првиот сет, а единствената брејк топка ја имаше Беретини и ја искористи со која поведе со 5:4 и во наредниот гем на свој сервис не му дозволи ниту еден поен на противникот за водство од 1:0 во сетови. И во вториот сет имаше само еден брејк кој го освои Италијанецот со што си закажа битка за трофејот против шестиот тенисер на светот.
Así cerró 🇩🇪 @AlexZverev su presencia en la segunda final #MMOPEN de su carrera. pic.twitter.com/VguM7AxBWU
— #MMOPEN (@MutuaMadridOpen) May 8, 2021
Александар Зверев одличната форма ја потврди и во полуфиналето каде го победи Доминик Тим со 6:3,6:4 и тоа за само 98 минути игра. Зверев одлично го започна дуелот и брзо дојде до 4:1 во гемови по што рутински ја одржа предноста до крајот на првиот дел од дуелот.
И во вториот сет, Зверев го диктираше ритамот, го одзеде сервисот на Тим во третиот, а потоа и во петтиот гем со што дојде до предност од 4:1. Тим успеа да врати еден загубен сервис, но немаше сили за нешто повеќе по што Зверев доби можност утре да се бори за трофејот.