Белград на вода испадна од игра, гастарбајтерите купуваат недвижен имот на други локации
Иако интересот на српските гастарбајтери претходно беше насочен кон локации како што е Белград на вода, сега тие се насочени кон нови градби во другите делови на главниот град и на планините.
Според податоците на порталот „4зида“, најбарани станови во новоградба и станови во планина има во Златибор и Копаоник, за кои има и најмногу огласи. Освен за овие две планини, потенцијалните купувачи од дијаспората се повеќе се интересираат за станови во Дивчибари, Тара, а ваков вид на недвижности се продаваат и во Врњачка бања, анализира Нова.рс.
Оние кои сакаат да вложат вишок пари, гледаат што можат да продадат по добра цена и најчесто се одлучуваат за стан во нова зграда во Белград, дури и за станови на Копаоник или на Златибор.
Тие се одлучуваат за станови од 70 до 100 квадрати. Оние кои се враќаат да живеат во Србија, сакаат да се населат или каде живееле претходно или во населби каде што познаваат некого. Во Белград генерално сакаат да бидат во центарот, во Врачар.
Според податоците на „4зида“, просечната цена на становите во новоградба во Златибор е 2.040 евра/м2, а истата цена е и во Копаоник, околу 1.982 евра/м2.