Бектеши: Солидарност мора да постои – да им се помогне на оние кои им е најнеопходно
– Не може да биде ист товарот и за домаќинства со минимални примања и за оние со повисок приход, солидарност мора да постои. Во време на криза, како оваа, треба да им се помогне, посебно на најранливите домаќинства, вели министерот за економија Крешник Бектеши.
Коментирајќи ги блок – тарифите за наплата на електрична енергија вели дека домаќинствата кои имаат доволно приходи и можност да ги плаќаат сметките, не треба да бидат субвенционирани.
– Ни претстои тешка зима, но на дневна база ние секогаш ќе излеземе пресрет – нагласи ресорниот министер кој денеска во Тетово присуствуваше на врачување договори за „Субвенционирање плати“.
Тој повторно укажа и на злоупотребите направени, како што рече, од страна на некои бизнисмени и фирми.
На прашањето за поддршка на бизнис секторот, министерот е дециден дека државна помош во континуитет има и за компаниите.