Синоќа во емисијата Клик Плус градоначалникот на Скопје, Петре Шилегов рече дека надлежностите за Треска не и ги предал на општина Сарај туку тоа го сторил неговиот претходник, Коце Трајановски.

Градоначалникот на општина Сарај, Блерим Беџети за ТВ 21 вели дека додека било под надлежност на Град Скопје, езерото Треска било уништено.

-Не е на нивно ниво да дискутираат за надлежностите зошто и се дадени на општина Сарај. Тие можат политички да го третираат тоа, но езерото Треска се наоѓа во општина Сарај. Со години е уништувано. Од моментот кога го преземавме менаџирањето на езеро Треска денес се зборува до каде сме стигнале со проекти, тоа е најдобар доказ дека одлуката била исправна- истакна Блерим Беџети.

Беџети додава дека наскоро се очекува да се усвои и детален урбанистички план за езерото.