Вицепремиерот Артан Груби вечерва во емисијата „Топ Тема“ на телевизијата „Телма“ рече дека сите спортски реквизити кои ги има во кабинетот во Министерството за политички систем не се купени со државни пари и дека немало јавни набавки, туку дека му се донирани.

– Голчето ми е дадено од Фудбалската федерација на Македонија, баскетот ми е поклонет од Перо Антиќ, а ракометната топка од Наумче Мојсовски, директорот на Агенцијата за млади и спорт која ќе биде дел од Министерството за политички систем и ќе ги претставува интересите на сите групи, рече Груби.

Груби додаде дека во неговата канцеларија стои и позлатеното пенкало со кое го потпишал договорот со турско-американскиот конзорциум „Бехтел и Енка“ за изградба на автопатиштата на коридорите 8 и 10.