Фудбалерот од средниот ред на Барселона кој на позајмица игра за екипата на Баерн Минхен, може да се врати во Англија.

За Филипе Кутињо голем број на премиерлигаши покажуваат интерес, помеѓу нив се Лестер, Евертон, Челзи, Тотенхем и Арсенал.

Каталонците разгледуваат неколку опции за трансфер на 27-годишниот играч од средниот ред. Баерн исто така не планира да го откупи неговиот договор.

Клубот би сакал да добие 90 милиони евра, но таквата сума на обештетување е малку веројатна, па се верува дека може да се согласи и со 75 милиони.

Исто така е можно Бразилецот повторно да биде позајмен, со можност за откуп на неговиот договор.

Со оглед на тоа што клубот од „Гудисон парк“ има добри односи со Барса, после успешните разговори со Џери Мина, Андре Гомеш и Лука Дин, Кутињо би бил следното ново засилување на Евертон. Тој веќе има искуство од Премиер лигата, од 2013 до 2018 година играше во дресот на Ливерпул.