Македонскиот репрезентативец, Енис Барди, по пауза од седум месеци, конечно постигна погодок во шпанската Ла Лига. Барди беше стрелец на последниот четврти гол во триумфот на неговиот Леванте (4:1) над Рајо Ваљекано во рамките на 36. коло од Ла Лига.

За гостите кои со едната нога се во втората лига, на клупата за резервни ихрачи беше голманот Столе Димитриевски.

Леванте во првото полувреме го реши во своја корист со 2:0 благодарение на головите на Кампања и Везо. Во вториот дел, Гарсија намали на 2:1, но во последните четири минути, прво Тоно погоди, а Барди во судиското продолжение ја запечати судбината на Раја Ваљекано.

На две кола до крајот на сезоната, Леванте се наоѓа на 15. позиција со 40 освоени бодови, пет повеќе од 18. Ваљадолид кој пак има и натпревар помалку.