Американската амбасада во Багдад е поголема од Ватикан, изградбата чинеше 700 милиони долари
До 2009 година, американската амбасада беше сместена во претседателската палата на поранешниот ирачки диктатор Садам Хусаин.
Американската амбасада во ирачкиот главен град, Багдад е најскапа, најголема и најчувана амбасада во светот. За кратко време стана мета на напади од страна на иранските шиитски милиции, но и ирачките демонстанти.
Амбасадата зафаќа површина поголема од Ватикан, или 42 хектари. Има 21 зграда, продавници, трговски центри, ресторани, училишта, противпожарна станица.
Амбасадата се наоѓа во т.н. Зелена зона во Багдад, покрај крајбрежјето на Тигар.
До 2009 година, американската амбасада беше сместена во претседателската палата на поранешниот ирачки диктатор Садам Хусаин. Изградбата на новата амбасада, американските даночни обврзници ги чинеше околу 700 милиони долари.