Ракометарите на Вардар ја покажаа моќта во дерби пресметката со Е. Пелистер и славеа со 35:27, а тренерот на „црвено-црните“ вели дека ова е голем чекор кон освојување на титулата.

– Најпрво честитки на Пелистер на фер и коректната борба. Пред се во одбрана изигравме извонреден меч. Мислам дека крајниот резултат не е вистински одраз за тоа што се случуваше на теренот. Жалам што не победивме со поголема разлика, но што е тука е. Некој да ни понудеше осум разлика пред мечот сигурно ќе прифатевме. Им честитам на моите ракометари на пожртвуваноста и карактерот кој што го покажаа. Се што догоривме испочитувавме и мислам дека ова е голем чекор на освојување на 14. титула на Вардар во домашното првенство – се зборовите на Стевче Алушовски.