Италијанците станаа втората група туристи што годинава ја посетија Албанија, а до крајот на август регистрирана е бројка од околу 660 илјади посетители, пренесува Телеграфи.

Споредено со лани, зголемувањето на бројката на Италијанци е за 50 отсто во периодот јануари-август, што претставува 9,1 отсто од вкупниот број туристи. Официјалните податоци на Министерството за туризам покажуваат дека косовските туристи и понатаму се на врвот на посетителите кои доаѓаат во Албанија. Косовските Албанци сочинуваат 40 отсто од вкупниот број туристи кои влегле во Албанија во август со бројка од 2,93 милиони, додека во однос на пред една година има пораст од 17 отсто.