Ако сте вие МАКРОН, ние не сме МИКРОН

Господине Макрон, за кого всушност работите вие! За кого се грижите, за Франција или за Европа. За Македонија сигурно, не. Но ви велам, ако „падне“ Македонија, ќе „падне“ и Европа. Ве уверувам. Ниту Европа ќе ја ревидирате за половина година, ниту ние ќе промениме нешто што вие како нова задача ни го поставувате. Тоа Вие како амбициозен лидер на промените на политиките на Унијата треба да го знаете. Велите, имате добри намери. Па и патот до пеколот е поплочен со добри намери. Со тоа што ја затворате вратата на Европската Унија за Македонија, вие ја отворате кутијата на балканската Пандора.

Кога оттаму ќе излезат сите зла за кои сте учеле, или само сте слушнале, не е можно а да не ве спопаднат и Вас. И колку што можам да забележам тоа сите останати околу вас го гледаат, освен вие во вашата заслепеност од улогата на ревизор што самите си ја доделивте, без никого да прашате. Вие сакате да одлучувате во името на сите останати ваши со-европејци. Со сета почит господине Макрон, но вие преку ноќ како да сакате да го оправдате името што го носите, да стенете Голем. Charl Le Magne! Нема потреба од тоа Monsieur Макрон! Па Франција е доволно голема. А вие ако сте МАКРОН, не значи дека НИЕ сме МИКРОН.

Прочитајте и...  Кога крадецот ќе крикне - „држ’те го крадецот“!

Па вие едноставно ја „бушите“ Македонија со вашата тврдоглавост која се ми се чини во останатите земји се доживува како колебливост.

Оваа мала земја стана Северна заради вас. И направи се како што рековте – заради нас. И пак не било доволно. Повторно сакате да си го чистите сопствениот двор, а сметот да го оставите пред наша врата.
Господине Макрон вие им плукате в лице на сите други европски лидери и на нивните Парламенти кои мудро искажаа доверба на процесот на интегрирање на оваа земја во Унијата. И на сите евро пратеници, комесари и експерти кои сесрдно се залагаа сите овие години да не придвижат напред, додека вие бевте незаинтересиран за она што се случува надвор од вашиот двор. Се додека не дојдовте на тука на ридестиот Балкан за да се колнете на вечно пријателство.

Прочитајте и...  Воведени три нови типови инсулин кои не се од паралелен увоз

Но знаете што, народот овде научил да сака но и да мрази кога ќе го изневерат.

Ако Македонија не го добие сега ветеното, кој на овој недоверлив Балкан ќе ви верува. Што си вели сега Вучиќ: „Ови бре лажу док зину. Па овај бре се клео на вечно другарство, усред Београда говорио српски и за срце се држао само да предам Косово. Али види ти њега превео је Македонце, превешќе и мене“.
И не само Македонија. Вие mon ami како да сакате да го пикнете целиов Балкан назад во шупа, кај Гиго! Од мувлата во која со децении чмаеме и од кај што се обидуваме едвај да излезема на свеж воздух.

Не сакам да мислам како многумина скептици досега, а уште повеќе од сега, дека за вас ние сме само дел од пругата Ориент експрес. Некои смрдени, затуцани простаци од попатните станици на луксузниот воз Европа, кои се тука само за да ви ги задоволат суетите на исчезнати благородници. И таму треба да останеме, подалеку од Вас за да не ве умирисаме со нашата простодушност.

Прочитајте и...  Од среда до 29 јули 2020 година влез во Грција преку Промахонас само со негативен тест за Ковид-19

Но да знаете и ние коњ за трки имаме. Балканот не би бил „буре барут“ ако бил некаде зафрлен на седмиот колосек во некоја вукојебина. Не, тој е тука во Европа. И тука проаѓаат многу патишта по кои оделе и добронамерници, но и воини и освојувачи и бегалци завеани од виорот на војните во Блискиот исток и подалеку.

Балканот е вратата кон Вашата Европа господине Макрон. И треба да ја чувате внатре.

Но веројатно „немате време“ за такви глобални размисли обземен од „големите мисли“ за мали промени во вашиот мал свет низ кој се движите.

Има време, ќе „пораснете“.

Прочитај повеќе

Гласачите сумираат впечатоци, се бира десеттиот парламент

Соња Христовска Угриновска

Лагите и конспирациите за Ковид 19, не ја поштедија ни починатата 24 годишна девојка од Тетово

Мирослава Бурнс

Имунологот Јанковиќ: Ова не го очекувавме во Србија, ова е борба за опстанок

Слободен печат

Детали од дневникот на Мајкл Џексон: Стравувал дека ќе го убијат, посакувал бесмртност и 20 милиони долари неделно

Слободен печат

Промашена „бомба“ за Заев: Тој вели „мaрш“, а напишано е „важи“ (ВИДЕО)

Слободен печат

Секако е наше право, но нема ништо револуционерно во апстиненција од гласање

Ерол Шаќири

Остави Коментар

Прочитај повеќе

Италијански инфектолог тврди дека епидемијата во Италија завршила

МИА Агенција

Сѐ е во насмевката, повторно!

Ненад Јовановиќ

Маж од Тексас отишол на „коронавирус забава“ по што се разболел и починал

Слободен печат

Во Бразил над 35 илјади нови случаи, сопругата и ќерките на Болсонаро негативни на ковид-19

МИА Агенција

Од среда до 29 јули 2020 година влез во Грција преку Промахонас само со негативен тест за Ковид-19

Слободен печат

Заев: Се изгоревме со поддршката на некои кандидати на ДУИ

Слободен печат