Украинските власти започнаа акција за уништување на 37.000 шишиња нелегано произведена вотка, што е национален рекорд во земјата во која поради консумирање на нелегален алкохол често се случуваат труења, па и смртни случаи, пренесува „Срна“.

Министерот за правда Денис Малиуска ја започна акцијата во градот Виники во централниот регион Лавов, каде шишиња со 14 тони алкохол биле складирани уште откога се запленети во 2014 година.

– Тешко е да се каже што има внатре, но консумирањето не се препорачува – рече министерот и додаде дека овој алкохол претставува „голема закана по здравјето и животот на луѓето“.

Процедурата на уништување ќе трае околу седум дена, а потоа алкохолот ќе биде истурен во канализација на тајна локација, рече министерот.

Иако бројките во изминатите години исто така се загрижувачки, во 2016 година со консумирање на нелегално произведен алкохол починале 73 лица, додека 150 луѓе биле затруени.