АХВ: Досега има 6 случаи на африканска свинска чума, пријавете го секој сомнеж
Агенцијата за храна и втеринарство алармира до одгледувачите на свињи да ги чуваат на затворено, а секој сомнителен случај и секоја угината свиња да ја пријават, со цел да се спречи ширењето на болеста за која нема ниту лек, ниту вакцина за свињите и која може да биде многу опсна за нашето свињарство.
Вчера во виничкото село Кршла, во комерцијален објект е откриен нов случај на африканска чума. Тоа е шести случај, откако првиот случај се откри на 6-ти јануари.
Директорот на Агенција за храна и ветеринарство (АХВ), Николче Бабовски информираше дека месото не е опасно за луѓето, но дека е фатално за свињите и дека поради тоа секаде каде што има жариште, во радиус од 3 километри, свињите безбедно ќе се уништат, а потоа во радиус до 10 километри ќе се однесат на кланица, на термиичка обработка за месната индустрија.
– Одгледувачите на свињи ќе бидат комерцијално обесштетени – потенцира Бабовски.
Тој рече дека веќе функционира забраната за одгледување на свињи на отворено, но дозволемо е да има „испуст“, а во тој случај треба да има двојна ограда, каде одалеченоста од едната до другата треба да биде најмалку еден метар.
АХВ направи и категоризација на 5.608 фарми, од нив 708 целосно ги исполнуваат биосигурносните услови, 4.219 се во среден ризик, а 681 не спроведуваат сигурносни мерки.
Бабовски потенцира дека голема опасност за ширењето на болеста има од дивите свињи и дека се залагаат ловната сезона да почне порано.
Спречено проширување на африканска чума кај свињите во кочанското село Мојанци