На својот прв меч од АБА 2 лигата на турнирот во Нови Сад, македонскиот кошаркарски шампион МЗТ Скопје Аеродром за противник го имаше словенечкиот прволигаш Шенчур. Имаше тимот од Аеродром и плус од 16 поени. Но, за малку и тоа немаше да биде доволно за конечен успех.

Во текот на мечот МЗТ имаше највисоки 55:39, но во последната четвртина Шенчур дојде до минимална предност од 73:72.

Ситуацијата ја спаси, со тројка, Расел, кој на нецели шест секунди пред крајот, погоди, и го донесе посакуваниот триумф од 75:73 против „металците“.

Најефикасни во победничките редови беа Расел и Танасковиќ со по 17 поени, 15 запиша Баковиќ, а 11 В. Стојановски.

На спротивната страна Новак реализираше 15 поени, а два помалку Кметиќ.

По осум одиграни кола, МЗТ има скор од пет победи и три порази, доволно за делба на петтата позиција заедно со екипата на Подгорица од Црна Гора.