1МФЛ: Струга ја прегази Победа, хет-трик на Ибраими
Во 27 коло од Првата македонска фудбалска лига Струга Трим Лум убедливо славеше над Победа со резултат 6:2.
Хет-трик на овој меч постигна Ибраими (45+2`, 72`, 76`), а по еднаш во листата на стрелците за домаќините се запишаа Бојку (42`), Мухарем (50`), и Шабани (68`). На спротивната страна за прилепскиот состав голови запишаа Ферати (19`) и Кудијан (66`).
Немаше погодоци на дуелот Македонија ЃП – Академија Пандев, додека Работнички со голот на Гандо (80`) триумфираше над Скопје.
Мируваа мрежите на натпреварот Силекс – Брегалница Штип, а убедлива победа забележа и Шкендија која со 4:1 го надигра Тиквеш. За тетовските „црвено-црни“ двапати стрелаше Чинари, по еден гол имаа Цаке и Милев, а за Тиквеш Вареловски го реализираше единствениот гол за клубот од Кавадарци.
Табела: Струга Трим Лум 53 бодови, Шкендија 47, Шкупи 45, Силекс 40, Брегалница Штип 37, Македонија ЃП 33, Тиквеш 30, Работнички 28, Академија Пандев 22, Скопје 18, Победа 13.