Левиот бек на Металург, Александар Шпенде од следната сезона ќе настапува за хрватскиот шампион Загреб. Словенечкиот ракометар веќе потпишал двегодишен договор со Загреб каде доаѓа на барање на тренерот Тимо Тамше.

Шпенде пристигна во „Автокоманда“ неколку месеци по стартот на сезоната и веднаш се наметна како еден од лидерите на Металург. Добрите игри за македонскиот тим му донесоа и повик за настап во репрезентацијата на Словенија, но и интерес од други клубови. Металург испрати понуда за да го задржи Шпенде и за наредната сезона, но како што стојат работите негова следна дестинација сепак ќе биде Хрватска.