За играчот на блејзерси, МекКолум поважно е настапот во најсилната кошаркарска лига на светот (НБА), отколку можноста за учество на претстојниот Мундобаскет 2019.

Имаше долга, но и успешна сезона со Портланд, заедно со Демијан Лилард и останатите соиграчи стигнаа до финалето на Западот каде што беа елиминирани од Голден стејт вориорс.

После тој пораз се очекуваше МекКолум и Лилард да бидат големи адути на американската репрезентација на СП, но Си-Џеј беше првиот што откажа да игра за селекцијата предводена од Грег Попович.

СП во Кина ќе започне на 31 август и ќе трае до 15 септември, а новата НБА сезона 2019/20 ќе стартува на 22 октомври.

– Мислам дека и останатите момци гледаат вака. Зошто би одел и потенцијално би испаднал од составот? Или дел од подготовките. Ако сите играме, помалку се подготвуваме за сезоната и помала е минутажата поради тоа. Многу играчи не настапуваат за репрезентацијата, потоа твоите минути ќе пораснат дури низ сезоната и тоа влијае на вашата форма и за месец март кога е најважниот дел од сезоната. Во јануари тој дел започнува, пред паузата за Ол-стар, после Ол-стар, а најглавното е во март и април. Тие додатни километри и додатни часови на тренирање во текот на летото.. Ги имав најмногу секоја година, не сакам да одам во Австралија или Кина и потоа се вратам и се подготвувам за новата сезона кога можам стратешки да ги планирам своите подготовки – се зборовите на МекКолум, кошаркарот на Портланд.