Затскриен зад колегите од Правен, се појави обвинетиот професор Драги Рашковски

Рашковски дојде на Правниот факултет за првиот академски час / Фото: скриншот

Обвинетиот професор и екс генерален секретар на Владата Драги Рашковски денеска се појави во аулата на Правниот факултет покрај своите колеги професори и министерот за правда Никола Тупанчевски кој доаѓа токму од овој факултет.

Рашковски деновиве почесто е во судница како обвинет за случајот „Софтвери“ кој се однесува на набавка на два софтвери – за сообраќајни прекшоци и за биометриска идентификација.

Неговиот колега од Правен професорот Никола Тупанчевски не гледа ништо спорно во присуството на Рашковски на првиот академски час.

-Станува збор за мои колеги кои, во различен временски период, биле составен дел од извршната власт. Факт е дека треба да се има спрема секого достоинствен пристап. Единствен критериум за осуда, било каква, е после правосилна судска пресуда. Тогаш би можеле да коментираме за состојбите затоа што само на таков начин може да зборуваме за форматирање на нечија одговорност“, рече Тупанчевски.

Видео на денот