Поранешната тенисерка Ана Ивановиќ на својот инстаграм-профил со фановите сподели интересни модни инспирации. Првиот стајлинг кој за помалку од 24 часа доби повеќе од 40 илјади лајкови е комбинација на елеганција и спортски стил. Прекрасната Ана комбинирала црно боди со машни и со бело лелеаво здолниште кое потсетува на моделот кој го носеше за време на тениските натпревари.

Вистински погодок била корпа-чантата која на овој стајлинг му дала посебно интересна нота. Ваквите чанти се апсолутен хит ова лета и доколку ви се допаѓаат одлично можете да ги комнбинирате со спортски или кежуал стил.

Вториот стајлинг кој го покажа на друштвените мрежи е сличен на првиот и исто така предизвика големо воодушевување, со оглед на тоа дека Ана покажа чиста елеганција. Црно-белото здолниште во комбинација со црна блуза на бретели е одличен спој во кој ќе ви биде исклучително пријатано, а притоа ќе изгледате заносно.

Погледнете неколку летни комбинации на поранешната тенисерка кои може да ви послужат како инспирација.