Загина осумнаесетгодишно момче од тетовско, откако со „БМВ“ излетало од патот и удрило во столб
Осумнаесетгодишно момче од тетовското село Синичане го загуби животот откако возејќи „бмв“ излетал од патот и удрил во бетонски столб.
„На 02.10.2023 во 21.30 часот во СВР Тетово било пријавено дека на регионалниот пат Пирок-Тетово, кај с.Долно Палчиште, тетовско, патничко возило „бмв“ со тетовски регистарски ознаки кое, според првичните сознанија од увидот, било управувано од М.З.(18) од с.Синичане, тетовско, излетало од коловозот и удрило во столб. Од здобиените повреди на местото на несреќата починал М.З, а смрт констатирал лекар од Итна медицинска помош, додека сопатникот А.З.(23) од истото село се здобил со телесни повреди, констатирани во Клиничка болница Тетово“, информираат од МВР.
Извршен бил увид од Јавен обвинител и увидна екипа од СВР Тетово.