Заев: Дојдете утре да го одбележиме Денот на независност пред Школка
Премиерот Зоран Заев на својот Фејсбук профил вечерва ги повика граѓаните на утрешната прослава за 8 септември – Денот на независноста.
„Почитувани граѓани, во недела, со почеток во 11 часот, дојдете заедно да го одбележиме Денот на независноста – 8 Септември, под мотото „Боите на независноста“, во Градскиот парк, пред Школка.
Во рамки на прославата, предвидена е богата културно-уметничка и забавна програма, со настапни на Петко и 5+, Денсерс Јунајтед, Виолета Томовска, Ај Кју, Елита Зибери и Драган Б. Костиќ.
Ќе можете да учестувате и во активностите на министерствата, да уживате во традиционална храна од сите краеви на Северна Македонија, да учествувате во спортски активности, да ги погледнете вештините на Армијата и полицијата, да го проверите своето здравје и да научите повеќе за заштитата на животната средина.“, вели објавата на премиерот.